屋企食飯，而因為家人嘅關係，被迫睇咗半個鐘TVB，而《星期日檔案》竟然做緊一個有關香港電影嘅專題。
-
講而家嘅香港電影市場有幾艱難，田雞田啟文先生話以前旺嗰陣，一個電影從影員可以一日跑三套戲，但而家嘅電影人，一個月都唔知開唔開到三日工，講《一秒拳王》、講《遺愛》，講香港電影可以點樣銜接串流平台嘅大勢。
-
而其中令我最深刻嘅，係運用相對多篇幅去講《幻愛》，香港近年嘅其中一個票房奇蹟。票房收一千五百幾萬，根據導演講法 ，電影只係啱啱好打個和，如果有賺嘅，都只係僅僅賺咗車馬費。
-
呢個事實可能好多人都知，但更令我震驚嘅係......《幻愛》係2019年上半年拍攝嘅作品，距離而家大概兩年多啲，《幻愛》嘅成功唔單止無為周冠威導演帶嚟好多新嘅拍戲機會，佢一直都無新嘅拍攝計劃可以開展到，而因為收入嘅關係，創造票房奇蹟嘅導演，竟然要借錢度日，爭落嘅錢，到今時今日都未還清。
-
搞香港電影已經唔係做緊慈善，
而係一個保育事業，
仲可以捱幾耐?
除咗堅持，仲要支持。
Search